به‌رجه‌سته‌بوونا ململانا هێزێن هه‌ڤدژێن دڕاماتیكى د داستانا "شێخێ سه‌نعان" یا (فه‌قیێ ته‌یران) دا ـــ ب نموونه‌یا جورێن مرۆڤ دژى خۆ و مرۆڤ دژى مرۆڤى ـــ
DOI:
https://doi.org/10.26436/hjuoz.2018.6.4.420الكلمات المفتاحية:
شێخێ سه‌نعان، ململانا دڕاماتیكى، جورێن ململانێ، مرۆڤ دژى خۆ، مرۆڤ دژى مرۆڤىالملخص
داستانا "شێخێ سه‌نعان" یا (فه‌قیێ ته‌یران)، وه‌كو داستانه‌كا ئه‌ده‌بیاتا كلاسیكا كوردى، خودان گه‌له‌ك ساخله‌ت و تایبه‌تمه‌ندیێن دڕاماییه كو د شیاندا هه‌یه به‌رجه‌سته‌بوونا پڕانیا توخم و ته‌كنیكێن دڕامایى تێدا ده‌ستنیشان بكه‌ین. توخمێ گرنگێ ململانا دڕاماتیكى، ب گه‌وهه‌ر و هه‌بوونا دڕامایى دهێته هه‌ژمارتن كو بێى ئه‌ڤى توخمى، ده‌قێ دڕامایى چ تام، باندۆر و باڵـكێشیا خۆ نینه و یێ بێ گیانه؛ چونكى توخمێ ململانێیه كو ژیان و زیندووییێ دده‌ته ده‌قێ دڕامایى و كه‌ڵـه‌ژان، سه‌ره‌نجڕاكێشى و داغباربوونێ تێدا دروست دكه‌ت. سروشتێ دڕاماتیكى یێ ئه‌ڤێ داستانێ ژى، ده‌رگه‌هێ ئه‌وێ چه‌ندێ بۆ ڤه‌كۆله‌ران ڤه‌دكه‌ت، كو بشێین وه‌كو ده‌قه‌كێ دڕامایى سه‌ره‌ده‌ریێ لگه‌ل بكه‌ین. ب تایبه‌تى ژى، توخمێ ململانا دڕاماتیكى كو گه‌له‌ك بهێزى د ئه‌ڤێ داستانێدا به‌رجه‌سته و خویا دبیت. ململانا دڕاماتیكى لدویڤ سروشت، چه‌مك و ڕه‌وشا خۆ، دابه‌شى لسه‌ر چه‌ندین جوران دبیت، مینا: (جورێ تێگه‌هێ ململانێ یێ به‌رجه‌سته، جورێ چۆنیه‌تیا ململانێ و جورێ هه‌بوونا هێزا هه‌ڤدژ). مه ژى جورێ "هه‌بوونا هێزا هه‌ڤدژ" هه‌لبژارتیه؛ چونكى ئه‌ڤ جورێ ململانا دڕاماتیكى، زۆرتر ژ جورێن دیتر لگه‌ل سروشت و ناڤه‌ڕۆكا ئه‌ڤێ داستانێدا دگونجیت. له‌وڕا مه كه‌ره‌ستێ ڤه‌كۆلینا خۆ ژ ئه‌ڤێ داستانێ، لژێر ناڤونیشانێ "به‌رجه‌سته‌بوونا ململانا هێزێن هه‌ڤدژێن دڕاماتیكى د داستانا "شێخێ سه‌نعان" یا (فه‌قیێ ته‌یران) دا ــ ب نموونه‌یا جورێن مرۆڤ دژى خۆ و مرۆڤ دژى مرۆڤى ــ "، هه‌لبژارت.
التنزيلات
منشور
كيفية الاقتباس
إصدار
القسم
الرخصة
يوافق المؤلفين الذين ينشرون في هذه المجلة على المصطلحات التالية
[CC BY-NC-SA 4.0] يحتفظ المؤلفون بحقوق الطبع والنشر ومنح حق المجلة في النشر الأول مع العمل المرخص له بموجب ترخيص مشاع المبدع للإسناد
الذي يسمح للآخرين بمشاركة العمل مع الإقرار بحقوق التأليف والنشر الأولي في هذا مجلة
مكن للمؤلفين الدخول في ترتيبات إضافية منفصلة للتوزيع غير الحصري للنسخة المنشورة من المجلة، مع الإقرار بإصدارها الأولي في هذه المجلة
يسمح ويشجع المؤلفين على نشر عملهم عبر الإنترنت
