Fonetîka Devoka Semsûrê

الملخص

Ev xebat hewl dide ku taybetiyên devoka Semsûrê wek cudahiya dengan, guherînên tîpan, nişan bide. Her wiha em ê hewl bidin bê ka gelo devoka Semsûrê çi taybetiyên xwe hene. Lewra devoka Semsûrê ji aliyê erdnîgariyê ve li rojavayê Kurdistana Bakur dimîne, wate ji navenda herêmên kurmancîaxêv dûr e. Di vê xebatê de me armanc kiriye ku em taybetiya devoka Semsûrê biderînin, di axaftinê de dengên ku ketine yên ku veguherîne dengekî din an jî dengên taybet yên tenê li Semsûrê tên bikaranîn tespît bikin. Ji bo vê xebatê me mînakên xwe ji çend kesên ku li Semsûrê dijîn wergirtin. Paşê ji van mînakan, me taybetiyên dengan (çi dengdêr çi dengdar) li gor rêza alfabetîk senifand. Ji bilî van taybetmendiyên qertafên zayendê, bikaranîna hoker û daçekan, kurtkirina dengan û hwd jî dê were tespîtkirin. Bi vî awayî em dixwazin derxin holê ku bê ka taybetiyên devoka Semsûrê ji aliyê fonetîkê ve çi cihêrengî û ciyawaziyan di xwe de dihewîne. Spas ji Îslîm Doxanê re ku ew xwendekara me ye, di tomarkirina dengan de alîkariyeke mezin da me.