ڕه‌مزییه‌تى نه‌ى له چوارچێوه‌ى شیعرى سۆفیگه‌ریدا
DOI:
https://doi.org/10.26436/hjuoz.2018.6.1.287الكلمات المفتاحية:
نه‌ى، ڕه‌مز، مه‌ولانا جه‌لاله‌دینى ڕۆمى، مه‌لاى جزیرى، نامۆییالملخص
(نه‌ى) له نێو مه‌سنه‌ویدا قه‌سیده‌ى دایكه و مرۆڤ ده‌نوێنێ و مرۆڤیش نه‌ى ده‌نوێنێ، ژیانى نه‌ى به ته‌واوه‌تى ژیانى مرۆڤه ، ئه‌مه و له كاتێكدا مه‌سنه‌وى مه‌ولانا جه‌لاله‌دینى ڕۆمى مه‌شقێكى گیانییه وچۆته نێو كرۆكى گیان وله بوارى به‌كارهێنانى نه‌ى وه‌ك ڕه‌مزێكى سه‌ره‌كى به‌رجه‌سته‌كردنى مه‌عنه‌وى گیان و كۆى ژیانى مرۆڤ كه بۆته ئه‌زمونێكى گرنگ و له پانتاییه‌كى فراوانى شیعرى كلاسیكى كوردیدا ڕه‌نگى داوه‌ته‌وه و له لایه‌ن (مه‌لاى جزیرى )دا گه‌یشتۆته لوتكه، نه‌ى وه‌كو ئامێر زه‌مینه‌یه‌كى مێژوویى قوڵى له نێو شارستانێتییه هه‌مه‌جۆره‌كاندا هه‌یه.بۆیه بۆ ده‌ربڕینى كۆى نامۆیى مرۆڤ و دابڕانه هه‌میشه‌ییه‌كانى هه‌ر له ئه‌زه‌له‌وه . مه‌ولانا هاناى بۆ نه‌ى بردووه و له گوتارى سۆفیگه‌ری و له نێو فه‌رهه‌نگى سۆفیگه‌ریدا نه‌ى پله‌وپایه‌یه‌كى تایبه‌تى هه‌یه وگوزارشت له عیشقێكى غه‌مگینى نێو سروشت به گشتى و ژیانى مرۆڤ به تایبه‌تى ده‌كات،هه‌روه‌ها به هۆى سۆزى غه‌ریبیانه‌ى نه‌ى كه هه‌میشه له بیرى گه‌ڕانه‌وه‌ى بۆ جیهانه ڕاسته‌قینه‌كه‌یدا له نێو ناڵه‌یه‌كى ئه‌به‌دیدا ده‌خولێته‌وه و په‌رده‌یه‌كى ته‌مومژاوى له نێو شیعردا درووست كردووه و بۆته به‌شێكى بنچینه‌یى شیعر و یه‌كێكه له‌و ڕه‌مزه پڕ ده‌لاله‌تانه‌ى كه قورساییه‌كى له نێو شیعره‌كانى (مه‌لاى جزیری)دا چێكردووه و چه‌ندین ده‌ركه‌وته‌ى جۆراوجۆر له شیعره‌كانیدا به‌دیده‌كرێن ،كه له ژێر چه‌ترى ئه‌م لێكۆڵینه‌وه‌یه و له‌م ته‌وه‌رانه‌دا كۆكراونه‌ته‌وه. ته‌وه‌رى یه‌كه‌م: نه‌ى له نێوان ئاگرى عیشق و هێمنى سروشتدا. ته‌وه‌رى دووه‌م: ڕه‌مزییه‌تى نه‌ى له نێو شیعرى سۆفیگه‌رییدا. ته‌وه‌رى سێیه‌م: نه‌ى له هزرى مه‌ولانا و مه‌لاى جزیری دا.
التنزيلات
منشور
كيفية الاقتباس
إصدار
القسم
الرخصة
يوافق المؤلفين الذين ينشرون في هذه المجلة على المصطلحات التالية
[CC BY-NC-SA 4.0] يحتفظ المؤلفون بحقوق الطبع والنشر ومنح حق المجلة في النشر الأول مع العمل المرخص له بموجب ترخيص مشاع المبدع للإسناد
الذي يسمح للآخرين بمشاركة العمل مع الإقرار بحقوق التأليف والنشر الأولي في هذا مجلة
مكن للمؤلفين الدخول في ترتيبات إضافية منفصلة للتوزيع غير الحصري للنسخة المنشورة من المجلة، مع الإقرار بإصدارها الأولي في هذه المجلة
يسمح ويشجع المؤلفين على نشر عملهم عبر الإنترنت
