رۆمانا خه‌یالا زانستی و ئه‌ده‌بییه‌ت (مرۆڤێ به‌له‌چه‌ك وه‌ك نموونه)
DOI:
https://doi.org/10.26436/hjuoz.2018.6.1.277الكلمات المفتاحية:
مرۆڤێ به‌له‌چه‌ك، ئه‌ده‌بێ خه‌یالا زانستی، پله سفر دنڤیسینێدا، ئه‌ده‌بییه‌ت، تاردیگرادالملخص
ھه‌ر چه‌نده رۆمانا خه‌یالا زانستی دیرۆكه‌ك درێژ د ئه‌ده‌بێ جیھانیدا ھه‌یه، به‌لێ وه‌كو زاراڤ "ئه‌ده‌بێ خه‌یالا زانستی" دڤه‌گه‌ریت بۆ ده‌ستپێكا چه‌رخێ بیستێ وبه‌ری وی ده‌می تێكست په‌یدا بووینه. ڤێ چه‌ندێ ژی گه‌له‌ك ئه‌گه‌ر ھه‌بووینه، وه‌كو: پێشكه‌فتنا زانستی و شۆره‌شا پیشه‌سازی. به‌لێ ل جڤاكێن پاشكه‌فتی گیرۆبوویه و دبت ئه‌ڤه ئه‌گه‌رێ گیرۆبوونا وی بت ل ده‌ڤه‌را مه ژی. رۆمانا "مرۆڤێ به‌له‌چه‌ك" دبت یه‌كه‌م نموونه بت ژ ڤی جۆرێ ئه‌ده‌بی ل ده‌ڤه‌را به‌ھدینان. چونكو ئه‌ڤ رۆمانه یه‌كه‌م پێنگاڤه د ڤه‌گێرانا كوردیدا ل ده‌ڤه‌را مه د بیاڤێ رۆمانا خه‌یالا زانستیدا، ئه‌ڤ ڤه‌كۆلینه ھه‌وڵدانه‌كه بۆ پێشچاڤكرن ورونكرنا تێگه‌ھ و سیمایێن ڤی جۆرێ ئه‌ده‌بی ب گشتی و پێشچاڤكرنا سیمایێن رۆمانا مرۆڤێ به‌له‌چه‌ك ب تایبه‌تی. ژ به‌ركو رۆمانا خه‌یالا زانستی گرێدان و تێكه‌لبوونه دناڤبه‌را ئه‌ده‌بی و زانستیدا، پرسێن سه‌ره‌كی یێن ڤێ ڤه‌كۆلینێ ژبلی پێشكێشكرنا ڤێ رۆمانێ وه‌كو پێنگاڤه‌كا نوی د ئه‌ده‌بێ به‌ھدیناندا، ئه‌ون: ئه‌رێ رۆمانا مرۆڤێ به‌له‌چه‌ك د ئاستێ پله سفر دنڤیسینێدایه؟ نڤیسه‌ری ئه‌ده‌بییه‌تا ڕۆمانێ پاراستییه؟ بۆ ڤێ چه‌ندێ مفا ژ سیما و بنه‌مایێن ئه‌ده‌بێ خه‌یالا زانستی یا جیھانی ھاتیه وه‌رگرتن: چونكو ئه‌ڤ جۆره بوویه ژانڕه‌ك سه‌ربخۆ د ئه‌ده‌بێ جیھانیدا. ژئه‌نجامێ ڤه‌كۆلینێ ل ڤان پرسان، دیاربوو، زمانێ رۆمانێ ئه‌گه‌ر ل ھنده‌ك جھان ھه‌تا راده‌كێ ل ئاستێ پلا سفردا بت، ب گشتی وه‌سا نه‌بوویه و ئه‌ده‌بییه‌تێ و زمانێ چڕ بیاڤه‌كێ باش ڤه‌گرتییه. ژ ئالییێ شێواز و ناڤه‌ڕۆكێ وئه‌له‌منتێن رۆمانێ و ھه‌ست و سۆزان ڤه، ھه‌ر دو ئالی زانست و ئه‌ده‌ب ھاتینه پاراستن و ب شاره‌زایی د خزمه‌تا یه‌ك دو دا ھاتینه بكارھاتن. به‌لێ ب دیتنا من ئه‌ده‌بییه‌تا رۆمانێ ھه‌تا راه‌كێ بیاڤه‌كێ به‌رفره‌ھتر ژ یێ زانستی ڤه‌گرتییه. پتر زانست د خزمه‌تا ئه‌ده‌بیدا بوویه.
التنزيلات
منشور
كيفية الاقتباس
إصدار
القسم
الرخصة
يوافق المؤلفين الذين ينشرون في هذه المجلة على المصطلحات التالية
[CC BY-NC-SA 4.0] يحتفظ المؤلفون بحقوق الطبع والنشر ومنح حق المجلة في النشر الأول مع العمل المرخص له بموجب ترخيص مشاع المبدع للإسناد
الذي يسمح للآخرين بمشاركة العمل مع الإقرار بحقوق التأليف والنشر الأولي في هذا مجلة
مكن للمؤلفين الدخول في ترتيبات إضافية منفصلة للتوزيع غير الحصري للنسخة المنشورة من المجلة، مع الإقرار بإصدارها الأولي في هذه المجلة
يسمح ويشجع المؤلفين على نشر عملهم عبر الإنترنت
